替身酷乐超级论坛

【只看楼主】

替身

替身
每逢考試季節，都有學生因為種種原因作出自殺呢種至蠢?行為。其實亂咁了結自己生命，唔單止令身邊o既人傷心，仲可能會俾其他鬼魂搶?自己個身體，用你?身份生活落去，你話幾唔抵！

阿慧係一名應屆會考生，由於學校成績一直普普通通，所以如果會考取唔到20分，都唔使旨意o係原校升讀中六。亦因為咁，阿慧同屋企人都表現得好緊張。阿慧自己固然由朝到晚足不出戶咁埋頭讀書，佢媽媽更下令o係阿慧會考期間暫停一切娛樂活動，電視、收音機更加冇得開。總之一家五口，包括父母阿哥同細佬，個個都要就晒佢。其實阿慧自己都覺得要全家就自己唔係幾好意思，有一次更因為阿媽唔俾細佬玩ICQ，結果搞到全家鬧交。自始之後，阿慧寧願每日一早就去自修室讀書，等到閂門先返屋企。

意外發生

「終於都考完中文喇！阿慧你考成點呀？」阿慧o既同班同學Vivian一出試場就跑過來問阿慧。

「我答唔晒呀！今次實連C都取唔到喇！死啦！實升唔到原校喇，今次實俾阿媽鬧死喇！」阿慧邊行邊講，Vivian安慰佢：「考了幾科之嘛，之後我們再俾心機囉！今日我們要忘記佢，唔係會影響之後o個幾科?！」

「唔係喇！我要快些返屋企，然後去自修室讀聽日o個科，我走先喇！」阿慧講完就拿拿臨上車返屋企。由於自從考Mock後佢都係咁勤力讀書，所以Vivian都不以為意。

一路搭車返屋企，阿慧越諗越唔開心，自己讀得咁辛苦，而且全屋人都就晒自己，如果考得唔好真係對唔住所有人。諗諗o下阿慧突然唔想再咁辛苦，於是佢求其上去屋村附近一幢大廈的天台上，然後向下一跳。

同一時間，阿慧自殺的屋附近馬路發生o左一宗嚴重車禍，一架私家車因為煞掣不及撞向路邊，司機只受輕傷，但係乘客Anna因為冇綁安全帶被拋出車外，當場死亡。

呢兩件意外幾乎同一時間發生，照計兩件意外的傷者生還機會都微乎其微，不過最後奇蹟發生o係阿慧身上。經過醫生搶救，阿慧雖然跌斷雙腳、又受皮外傷，但係只要住幾個月醫院就可復原，亦冇後遺症。

陰差陽錯

不過好返後o既阿慧，好似跌壞?個腦咁，連屋企人都唔認得，仲係咁話自己叫Anna，又問同佢一齊o既同學有冇事。阿慧屋企人初初都係以為佢只係仲諗埋一邊，所以都唔理佢。不過阿慧的同學Vivian就覺得好奇怪，於是有一日約o左阿慧同校o既細佬見面。

「你覺唔覺得你家姐唔同?好多呀？」Vivian問阿慧細佬傑仔。

「可能佢自殺過諗通？唔使擔心佢啦！佢而家識鬧我，好過以前好多呀！」傑仔答。

「佢真係好唔妥喎！你都知我讀文科啦！你家姐仲係數學白痴，最鍾意死讀書；但係佢今日竟然去校務處申請轉讀理科，Miss唔俾佢轉，佢竟然叫Miss考佢，如果佢及格就要俾佢轉科。結果阿慧做完份惱既捸A竟然取到滿分，而家學校俾佢轉科啦！」

「佢有咁叻咩？佢冇同我講喎！」傑仔依然冇乜反應。

「唔止呀！佢好o左之後，連講o野o既聲線同態度都唔同晒，以前佢都唔會大聲講大聲笑o既，但係佢而家就成日都笑得好開心。最唔同的都係佢而家講o野都夾雜些英文，以前佢最憎人咁嘛！」Vivian越講越覺得唔妥，決定今日放學後拉埋傑仔去見阿慧。

上錯身？

「阿慧，你覺唔覺得自從你好返之後成個人唔同晒呀？」Vivian問阿慧。

「我都講過我叫Anna，o係阿慧自殺?日我同時o係屋企附近發生車禍，後來o向醫院醒返，就見到你。我都唔知點解個個都叫我阿慧，我又冇整容，但係醒返就成個樣都唔同晒。」阿慧好激動咁講。

呢番話阿慧已經講過好多次，Vivian同傑仔真係唔知信唔信好。

「既然係咁，你就證明你係Anna啦！」傑仔話。

於是「阿慧」就帶Vivian同傑仔去佢口中所講?Anna讀o既大學，搵Anna?同學；又去大學宿舍，每到一個地方，阿慧都可以好詳細咁講出那個叫Anna的女仔的任何細節。呢個時侯Vivian同傑仔唯有相信眼前的阿慧係另一個人。不過佢o地決定保守呢個秘密，尤其係阿慧的爸爸媽媽，因為唔想佢o地覺得俾人搶了個女。

過冇幾耐，佢o地三個人約埋一齊去問米，希望知道真正阿慧的近況，尤其係代替o左阿慧身份的Anna。

「阿慧你而家點呀？」Vivian問。

「我好後悔呀！我唔應該自殺！」問米婆口中發出阿慧?聲音。

「你會唔會嬲我霸o左你個身體呀？」Anna問。

「初初我真係好嬲！但係我知道你會代替我好好咁生活落去。佢o地講得o既，我冇好好把握機會，我應該自己負返所有責任。唔好掛住我喇！」阿慧講完之後就走左。

自此之後，Anna就用o地阿慧?身份生活，不過佢就幫阿慧o係庵堂設o左一個靈位，一得閒佢都會約埋Vivian同傑仔去拜佢。

[楼主] 来自:未知地区 | xxx.xxx.xxx.xxx | Posted: 2007-12-21 12:03 PM

如果要别人诚信，首先自己要诚信。莎士比亚

如果要别人诚信，首先自己要诚信。
莎士比亚